Búðu til húsbók fyrir þína eign á www.V3.is

Viðhaldsbók og Nagli.is

2012-01-19T21:24:00.002Z

Góðan daginn kæru notendur Viðhaldsbókar.

Vefurinn www.vidhaldsbok.is (www.V3.is) er um þessar mundir að sameinast vefsíðunni www.nagli.is og mun verða lagður niður í núverandi mynd. Ég mæli með að fólk flytji sig yfir á www.nagli.is en áætlað er að núverandi viðhaldsgögn sem fólk hefur hingað til skráð í viðhaldsbókina sína, flytjist yfir á vef naglans. Yfirfærslan verður virk á næstu dögum og ættu allir notendur að fá tölvupóst frá aðstandendum nagli.is.

Frá opnum Viðhaldsbókarvefsins, vorið 2007, hafa 615 notendur skráð sig inn á síðuna og eru þeir mjög misvirkir. Samtals eru viðhaldfærslurnar á fasteignir 354 og á húsfélög 40.

Vefurinn var settur upp vegna áhuga undirritaðrar á viðhaldsmálum fasteigna og tel ég að regluleg skráning viðhalds fasteigna sé mikilvæg bæði fyrir fasteignaeigandann sjálfan og svo þegar fasteignin er seld. Þá er gott að geta sýnt lista yfir framkvæmdir sem eigandinn hefur látið framkvæma á eigninni eða unnið sjálfur. Auk þess gagnast góð viðhaldsbók eigandanum sjálfum mjög vel, því við erum svo fljót að gleyma því hvenær við framkvæmdum hlutina. En ef við færum það samviskusamlega til bókar, þá getum við alltaf flett því upp.....

Mér hefur einnig oft dottið í hug af hverju t.d. tryggingafélög hvetji ekki viðskiptavini sína til að halda skrá yfir viðhald fasteigna sinna? Maður gæti hugsað sér að sá sem getur sýnt fram á að halda eign sinni vel við, gæti farið fram á lægri iðgjöld á húseigendatryggingunni sinni svo dæmi sé tekið? Brunabótamatið, mætti líka að einhverju leiti byggja á viðhaldsögu ef hún væri almennt samviskusamlega skráð.

En nú er semsé Viðhaldsbókin að renna inn í vefinn www.nagli.is og hvet ég ykkur, kæru notendur til að skrá framvegis viðhald fasteigna ykkar á nýja vefinn og nýta ykkur jafnframt þau tækifæri sem vefurinn býður upp á.

Með kveðjum,
Þóra
vbok@vbok.is

Viðhaldssaga og virðisaukaskattur

2011-09-03T22:30:00.001Z

Á vef Ríkisskattstjóra má senda inn beiðni um endurgreiðslu virðisaukaskatts vegna aðkeyptrar vinnu við íbúðar- eða frístundahúsnæði. Húseigandi skráir sig inn á vefinn með kennitölu sinni og veflykli og fyllir út umsókn um endurgreiðslu virðisaukaskatts. Kvittanir þarf svo að senda í pósti. Á umsókninni er fyllt út hvort um endurbætur eða viðhald sé að ræða eða vinnu vegna nýbyggingar svo og tegund húsnæðisins. Næst eru fylltar inn upplýsingar um aðkeypta vinnu, tegund hennar og útlagðan kostnað með og án VSK. Að því loknu eru skráðar upplýsingar um verktaka/fyrirtæki sem vann vinnuna og upplýsingar um skiptingu kostnaðar.

Frumrit greiddra sölureikninga þarf síðan að senda skattinum til að umsókn sé afgreidd. Senda má frumrit í pósti eða skila til skattsins en ekki virðist vera boðið upp á að skanna frumritið og senda á rafrænu formi.

Umsóknarferli þetta er til fyrirmyndar og einfaldar beiðni húseigandans um endurgreiðslu VSK vegna vinnu við húsnæði hans. En, má nýta þetta ferli til að hvetja fólk til að hafna svartri vinnu? Ef svo er, hvernig má gera það?

Tillaga mín er eftirfarandi: Fasteignaeigendur skili inn umsókn um endurgreiðslu VSK. RSK afgreiðir málið og varðveitir síðan upplýsingarnar um viðhaldsverkið um ókomna tíð. Þessar upplýsingar geti fasteignaeigandi nálgast æ síðan er hann eða seinni eigendur fasteignarinnar vilja skoða viðhaldssögu hennar.

Í beiðnina um endurgreiðslu á VSK væri hægt að setja inn nokkrar viðbótarupplýsingar sem væru gagnlegar fyrir umsækjandann. Svo dæmi sé tekið, að hægt væri að setja inn mynd af kvittunum bæði fyrir efni og vinnu og inn kæmu nokkrir textareitir (staðlaðir eða opnir) til að skrá frekari upplýsingar um verkið og þann sem vann það. Nefna má símanúmer verktakans eða hversu ánægður húseigandi var með verkið.

Kæru fasteignaeigendur, er þetta ekki mikilvægt mál fyrir okkur? Væri ekki dýrmætt að hafna svartri vinnu og geta í staðinn gengið að skjalfestum gögnum um viðhaldsverk á eign okkar þegar okkur hentar?

Framkvæmdir á heimilum

2011-04-04T21:52:00.003Z

Framkvæmdir á heimilum
Þegar ráðist er í framkvæmdir á heimilum og húsum, hvort sem þær eru stórar eða smáar, skiptir máli að skipuleggja þær vel. Það er betra að mála stofuna áður en parketið er lagt ef á annað borð á að gera hvoru tveggja og betra að huga að pípulögnum á baðherbergi áður en flísar eru lagðar. Ef skipta á um þakjárn á fjölbýlishúsi er nauðsynlegt að halda húsfund með góðum fyrirvara. Meiri breytingar á þaki þarf jafnvel að láta teikna og fá samþykktar af íbúum áður en sótt er um leyfi til byggingarfulltrúa.

Vistvænt efni
Undanfarin ár hefur viðhorf til umhverfisins tekið stakkaskiptun. Mun algengara er að fólk vilji nota vistvænt efni við framkvæmdir. Þá er skynsamlegt að velja efni sem auðveld eru í viðhaldi og sem eru endingargóð. Ef um er að ræða sambærileg byggingarefni er endingarbetra efnið umhverfisvænna en það sem endist skemur.

Húseigendur, sem vilja bæta umhverfið, hafa það að markmiði að nýta allt sem best. Það getur verið jafn skemmtileg glíma að breyta því sem fyrir er og að nýta það sem er til staðar í stað þess að fleygja öllu og kaupa nýtt. Við þær aðstæður væri ánægjulegt að geta flett upp í viðhaldsbók og séð hvernig staðið var að málum þegar það var unnið sem nú skal breytt. Viðhaldsbók er fyrst og fremst hagnýt við allar framkvæmdir en auk þess getur hún verið skemmtileg lesning hvort sem flett er upp eigin framkvæmd eða fyrri eiganda íbúðar eða húss. Minnið svíkur okkur óþægilega hratt og þeir sem þykjast muna halda oft bara að þeir muni rétt. Ef við búum okkur aftur á móti til viðhaldsbók getum við hvenær sem er flett upp í henni og séð hvenær hlutirnir voru gerðir, hver vann fyrir okkur og hvaða efni voru notuð og metið hvort tími sé kominn á nýtt viðhald.

Viðhaldsbók eignar og húsfélags
Viðhaldsbók sem einu sinni er búin til á www.vidhaldsbok.is fylgir viðkomandi fasteign þótt hún skipti um eigendur. Húseigandi og félagar í húsfélögum geta fært viðhald á eignum sínum til bókar með því að skrá sig og nota vefinn reglulega. Sérstök viðhaldsbók er búin til fyrir hverja íbúð. Ein sameiginleg viðhaldsbók er fyrir húsfélagið í húsinu og í hana eru skráðar upplýsingar um viðhald sem húsfélagið stendur fyrir. Eigandi eignar skráir upplýsingar um viðhald sem hann stendur fyrir í sinni íbúð í viðhaldsbók fasteignar sinnar.

Viðhaldsbókin er stundum kölluð húsbók með tilvísun í að húsbókin inniheldur viðhaldsbók, símaskrá og fleiri upplýsingar um fasteignina eins og t.d. ástandsmat sem eigandi getur fyllt út ef hann ætlar að setja eignina sína í sölu. Það sýnir hans mat á ástandi eignarinnar sem tilvonandi kaupandi getur skoðað og metið þegar hann kemur og skoðar fasteignina. Það þarf ekki mikið til að tengja viðhaldsbók valinnar eignar við fasteignavef þ.a. áhugasamir kaupendur viðkomandi fasteignar geti skyggnst inn í hana ef eignin er auglýst til sölu, skoðað valdar upplýsingar sem notandi heimilar að birtist, en sú tenging hefur enn sem komið er ekki verið framkvæmd. Húsbókin inniheldur einnig stutt yfirlit sem notandi skráir um byggingarsögu eignarinnar.

Skráning og notkun er notendum að kostnaðarlausu og á þeirra eigin ábyrgð. Notandi býr til viðhaldsbók fyrir eignina sína og skráir síðan í hana upplýsingar um viðhaldsverk, efni sem eru notuð og fleira sem á við hverju sinni.

Fasteignaeigendur mæla með iðnaðarmönnum sem þeir eru ánægðir með
Viðhaldsbókin er þannig uppbyggð að henni tengist símaskrá þar sem fasteignaeigandi skráir nafn og símanúmer fagmanns sem vinnur fyrir hann. Þegar faseignaeigandi skráir viðhaldsverk í viðhaldsbók getur hann gefið viðkomandi fagmanni einkunn á bilinu 0 – 5. Aðeins þeir fagmenn sem fá einkunnina 4 eða 5 birtast á listanum „Finna fagmann“. Aðrir fasteignaeigendur sem þurfa á fagmanni að halda geta flett upp í listanum og hringt í viðkomandi fagmann.

Verkbók fagmanns
Fagmönnum stendur til boða að skrá upplýsingar um sig og verk sín í verkbók fagmannsins. Fagmaðurinn skráir sig inn á vefinn og skráir þar upplýsingar um sig sem allir notendur vefsins geta skoðað. Þegar fasteignaeigandi þarf á fagmanni að halda getur hann annað hvort leitað að fagmanni sem aðrir eigendur mæla með af listanum „Finna fagmann“ eða leitað beint í verkbók fagmannsins. Þegar fram líða stundir ættu fagmenn einnig að geta skráð upplýsingar um verk frá sínum sjónarhóli og tengt verkið við viðhaldsbók viðkomandi eignar.

Lokaorð
Ýmislegt fleira er að finna á vefnum, svo sem fróðleik, fundargerðarform og fleira gagnlegt.

Meðfylgjandi eru tvær skjámyndir teknar af vefnum. Önnur sýnir lista yfir viðhaldsverk eignar en hinn lista yfir fagmenn sem notendur mæla með.
Reykjavík 4. apríl 2011
Þóra Jónsdóttir
vbok@vbok.is

Er ekki notalegt hvað það er orðið bjart á morgnana?

2011-03-10T22:02:00.006Z

Línuritið sýnir að ef við stillum klukkuna á raunverulegan sólartíma, þá væri orðið bjart í Reykjavík töluvert fyrir fótaferðartímann í dag, 10. mars, en dimmt um sjö leytið í kvöld. Sólin myndi líka setjast fyrr á sumrin og það væri minna eftir af deginum þegar við kæmum heim úr vinnunni.
NIÐURSTAÐA: Höfum klukkuna eins og hún er og samþykkjum ekki að flytja hana á raunverulegan sólartíma. Munum líka að enginn sefur lengur á morgnana nema hann fari fyrr að sofa á kvöldin, gildir þá einu á hvaða tímabelti viðkomandi býr á.
SJÁ MYND HÉR FYRIR OFAN

Útreikningur á 1.000.000 króna bílaláni til 7 ára

2010-07-01T19:01:00.005Z

Nú eru gengistryggðu lánin og afleiðingar af dómi Hæstaréttar efst á baugi. Menn ræða fram og til baka hvað sé neytendum hagstæðast en ég hef ekki séð neinar tölur birtar. Ég tók mig því til og reiknaði hvað ég væri búin að greiða mikið (árið 2010) af 1.000.000 kr. bílaláni sem ég hefði tekið til 7 ára. Ég skoðaði hvernig staðan væri, ef ég hefði tekið lánið árið 2004, 2005, 2006, 2007 eða 2008 og miðaði við eftirfarandi kjör:

Verðtryggt lán með 5 % vöxtum
SP5 myntkörfulán með 3% vöxtum
Óverðtryggt lán með millibankavöxtum Seðlabankans
Óverðtryggt lán með 3% vöxtum

Lánið er til 7 ára og greitt af því árlega. Lánið sem tekið var 2004 er því búið að greiða af 6 sinnum, lánið tekið 2005 er búið að greiða af 5 sinnum, lánið tekið 2006 er búið að greiða af 4 sinnum, lánið tekið 2007 er búið að greiða af 3 sinnum og lánið tekið 2008 er búið að greiða af 2 sinnum.

Niðurstöðuna getum við skoðað á línuritum A, B og C (A+B).

Það kemur í ljós að viðmiðun við millibankavexti Seðlabankans er alls ekki svo óhagstætt þegar eftirstöðvarnar eru skoðaðar. En ef greiðslur hingað til eru skoðaðar kemur verðtryggða lánið frekar á óvart. Af línuritunum má sjá að SP5 myntkörfulán og óverðtryggt lán með 3% vöxtum, eru eiginlega öfgar í sitt hvora áttina. SP5 greiðslurnar hingað til eru ósanngjarnar og of háar, en óverðtryggðu greiðslurnar hingað til minna á lánin hér áður fyrr, sem verðbólgan át upp.

Línurit A. Greiðslur hingað til miðað við mismunandi kjör

Línurit B. Eftirstöðvar lána miðað við mismunandi kjör

Línurit C. Greiðlslur hingað til plús eftirstöðvar ef lán er greitt upp í dag miðað við mismunandi kjör

Tölfræði úr skráningu á V3

2009-04-07T12:47:00.003Z

Í dag, 7. apríl, eru í fyrsta sinn birtar upplýsingar um skráningu notanda á viðhaldsverkum sínum á forsíðu www.V3.is.
Niðurstaðan er eftirfarandi:

Fjöldi
Skráðir notendur eru 434
Viðhaldsbækur eignar eru 249
Viðhaldsfærslur eru 217

Fjöldi verka
Verk sem notendur vinna sjálfir eða skrá ekki nafn fagmanns: 175
Verk þar sem notendur skrá nafn fagmanns: 43

Meðal ánægjueinkunn
Verk sem notendur vinna sjálfir eða gefa ekki upp nafn fagmanns: 2,6
Þar af verk sem fá einkunn >0 : 4,6
Verk þar sem notendur gefa upp nafn fagmanns: 4,1

Fjöldi fagmanna
Með ánægjueinkunn 4 eða 5 : 31

Niðurstaða
Húseigendur mega bæta skráningu fagmanns sem vinnur verk fyrir þá. Ef húseigandi skráir nafn fagmanns sem hann er ánægður með og gefur ánægjueinkunn 4 eða 5, þá birtist nafn viðkomandi fagmanns á listanum "Finna fagmann". Það kemur öðrum húseigendum til góða að geta fundið fagmenn sem húseigendur eru ánægðir með.
Til að skrá nafn fagmanns á viðhaldsverk, þarf að skrá nafn hans í símaskrá húsbókarinnar og velja nafn hans þegar verk er skráð í viðhaldsbókina.

V3.is býður upp á húsbók fyrir eign, húsfélagsbók fyrir húsfélög og verkbók fyrir fagmenn!

2008-12-31T00:40:00.003Z

Nýtt ár er að hefjast. Síðasta ár þróaðist vefurinn www.V3.is frá því að vera hugmynd að vef yfir í að verða vel nýtilegur vefur. Framsetning á vefnum er nú orðin nokkuð skýr, vefurinn skiptis í þrjá flokka, sem hver um sig hefur sinn markhóp. Markhóparnir þrír eru fasteignaeigendur, húsfélög og fagmenn.
Fyrsti flokkur vefsins er húsbók fasteignaeigenda. Hann þjónar þeim sem eiga fasteignir og vilja færa til bókar upplýsingar um viðhald, fagmenn og fleira sem á heima í góðri húsbók.
Annar flokkurinn er húsfélagabókin. Í hana geta skráð þeir sem eiga fasteign í viðkomandi húsfélagi. Færa má viðhald, upplýsingar um fagmenn og fleira í húsfélagabókina.
Þriðji flokkurinn höfðar til fagmannanna sjálfra. Þeir geta skráð sig og fólk getur flett þeim upp. Auk þess geta þeir skráð upplýsingar um sína vinnu og tengt hana við fastanúmer viðkomandi fasteigna.
Öll skráning og notkun á bókunum á V3.is eru án endurgjalds. Á næsta ári (2009) verður áhugasömum aðilum boðið að kaupa á vægu verði, auglýsingar til birtingar á vefnum. Tekjur sem þannig fást ganga upp í kostnað við hýsingu og rekstur.

V3.is óskar notendum sínum gleðilegrar hátíðar og kynnir breytingar á V3

2008-12-29T20:20:00.004Z

Kæru notendur Viðhaldsbókar, www.V3.is
Gerðar hafa verið smávægilegar breytingar á vefnum www.V3.is. Í stað þess að kalla vefinn almennt "Viðhaldsbók hússins" verður hann framvegis kallaður V3.is með tilvísun í að hann inniheldur eftirfarandi þrjá megin flokka:

Húsbók eignar (símaskrá, viðhaldsbók ofl)
Húsbók húsfélags
Verkbók fagmanns

Húsbókin inniheldur viðhaldsbók eignar og húsfélags ásamt fleiri köflum. Verkbókin inniheldur upplýsingar sem fagmenn skrá um sig og sín verk.

V3.is óskar ykkur öllum gleðilegs nýs árs og minnir á að ykkur stendur til boða að skapa ykkar eigin húsbók á vefnum, ykkur að kostnaðarlausu eins og fyrr.

Nú er kominn tími til að opna viðhaldsbók fyrir húsið/íbúðina...

2008-11-08T18:26:00.003Z

Nú eru viðhorf okkar til hlutanna að breytast. Við sjáum gildi þess að fara vel með hlutina, og vera aðhaldssöm þegar kemur að framkvæmdum í húsinu/íbúðinni okkar. við förum ekki út í framkvæmdir nema þær séu nauðsynlegar. Það er okkur aldrei sem fyrr dýrmætt að halda utan um hvað við látum gera við húsið og fagmennina okkar, sem vinna fyrir okkur. Þegar við fáum góða fagmenn, ættum við að mæla með þeim við hvert annað, ekki satt?
Nú skulum við passa upp á staðreyndirnar um það hvernig við höfum haldið eigninni okkar við. Við skulum vera varkár og passasöm og skrá upplýsingar um viðhaldið á húsunum okkar í viðhaldsbók hússins okkar. Á netinu! Ekki rjúka út í viðhald þegar við getum flett upp í viðhaldsbókinn og sjáum að það eru bara 5 ár síðan eldhúsið var endurnýjað. Dittum frekar að því sem er vel gert og skráum hjá okkur allt sem við gerum. Eins úr hverju hlutirnir eru, hvaðan er eldhúsinnréttingin o.s.frv. Sýnum fyrirhyggju og skráum viðhaldið okkar í Viðhaldsbók hússins, www.V3.is. Skráning og notkun er án endurgjalds. Vefurinn er ekki rekinn í ágóðaskyni heldur vegna áhuga eiganda á þessu málefni.

Fallegustu og litríkustu heimili veraldarinnar

2008-10-05T16:50:00.003Z

Ég rakst á síðu þar sem samkeppni er í gangi um að finna fallegasta,litríkasta heimilið í heimi. Birtar eru myndir frá mörgum mjög fallegum, litríkum heimilum, skoðið og njótið.

Hér fyrir ofan er mynd frá Judi í Atlanta.

Gulsópurinn og sírenan - byrjaðar að blómstra aftur

2008-09-08T20:03:00.008Z

Eitt gott haust fyrir fáeinum árum, blómstraði gulsópurinn og sírenan í garðinum mínum um miðjan september. Báðar tegundirnar blómstruðu á fullu, reyndar aðeins minna en fyrri hluta sumars. Nú sýnist mér að þetta sé að gerast aftur. Ég sé eitt blóm á sírenunni en nokkur á gulsópnum. Ég hef tekið eftir því að gulsópar í fleiri görðum eru líka farnir að blómstra. Nú verður spennandi að sjá hvernig hitastigið verður næstu daga og fylgjast með því hvort sírenan blómstri aftur eins og hún gerði í september árið 2003.
Myndirnar hér fyrir neðan sýna sírenuna í blóma í september árið 2003

Úrskurðarnefnd frístundamála skipuð

2008-09-07T00:36:00.006Z

Nú er Jóhanna Sigurðardóttir, félags- og tryggingamálaráðherra, búin að skipa í úrskurðarnefnd frístundamála í samræmi við lög sem tóku gildi 1 júlí síðastliðin.

Þegar langtímasamningur um leigulóð fyrir sumarbústað, rennur út getur tvennt gerst. Annað hvort eru leigutakinn og landeigandinn sammála um að framlengja samninginn sem þeir gera, eða að þeir eru ekki sammmála um framhaldið. Með lögunum frá því í sumar er tekið á því hvað er hægt að gera þegar menn koma sér ekki saman um framhaldið.

Markmið laganna er að tryggja eðlilegt jafnræði með aðilunum ef þeir ná ekki samkomulagi þegar leigusamningur rennur út. Réttur leigutaka virðist vera þokkalegur, ef leigutaka og landeiganda semst ekki um framhald/riftun samningsins, framlengist samningurinn. Reyndar með þeim fyrirvara að landeigandi getur ákveðið að krefjast innlausnar á mannvirkjum á lóðinni svo og endurskoðunar á leigugjaldi fyrir lóðina. Það er þarna sem úrskurðarnefndin kemur inn í. Hún á að hafa úrskurðarvald um fjárhæð innlausnarverðs og endurskoðað leiguverð ef samningar takast ekki milli leigutakans og landeigandans.

Myndin er tekin út um sumarbústaðaglugga. Úti rigndi og rigndi....

Sumarbústaðaeigendur ættu að kynna sér lögin en með tilkomu þeirra er væntanlega staða þeirra sem vilja eiga/byggja sér sumarbústað á leigulóð skýrari en áður var. Ég er á þeirri skoðun að það sé álitlegur kostur að byggja/kaupa sumarbústað á leigulóð miðað við það hvað verð á eignarlóðum fyrir sumarbústaði er hátt!

Slóðin á lögin er: heildarlög um frístundabyggð og leigu lóða undir frístundahús nr. 75/2008

Gott hengi í þvottahúsið

2008-09-04T20:58:00.006Z

Ég rakst á mynd af nokkuð góðu hengi í þvottahúsið og deili henni hér með ykkur, kæru notendur V3.is.

Eins og sést á myndinni, má hækka og lækka hengið þ.a. þegar maður hengir upp þvottinn, þá hefur maður það í lægri stöðunni og að því loknu hífir maður það upp eins og rúllugardínu.

Góð hugmynd, hengja upp þvottinn í góðri hæð og lyfta honum síðan upp þ.a. hægt sé að ganga undir "snúruna"!

Athygli sumarhúsaeigenda vakin á nýjum lögum.

2008-08-26T21:54:00.004Z

Á heimasíðu Landssambands sumarhúsaeigenda er vakin athygli á að allir leigutakar sem eru með (sumarhúsa)lóð á leigu og leigusamning sem rennur út fyrir 1. júlí 2010, þurfi að tilkynna leigusala/landeiganda að þeir óski eftir að framlengja leigusamninginn FYRIR 1.SEPTEMBER 2008! Það eru ekki margir dagar til stefnu. Með því að tilkynna landeiganda þetta framlengist leigusamningurinn um eitt ár en þó ekki lengur en til 1. júlí 2010.

Þetta virðist snúið, það er eins gott að kynna sér lögin um frístundabyggð og leigu lóða undir frístundahús, þau eru birt á heimasíðu Landssambands sumarhúsaeigenda: Lög um frístundabyggð og leigu lóða undir frístundahús

Ég ætla að skoða þessi lög betur við tækifæri til þess að átta mig á því hvort það sé nokkuð mjög slæmt að kaupa sumarbústað á leigulóð frekar en að borga 2-4 milljónir fyrir landið og vera eigandi þess. Meira síðar......

Keyptu bústað til flutnings - og komu fyrir á lóðinni sinni

2008-08-16T14:22:00.004Z

Hjón sem ég veit um, keyptu leigulóðarétt á sumarhúsasvæði á Suðurlandi í vor, fyrir ca 7-800.000 kr. Lóðarleigan er um 30.000 kr. á ári og leigutíminn ca 25 ár. Nú, í ágústbyrjun, er komið upp hús og þau farin að vera í bústaðnum. Það er reyndar ekki alveg tilbúið en næstum því. Og allt hefur gengið vel. Þá vaknar spurningin? Hvernig fóru þau að?

Þau keyptu bústað sem var seldur til flutnings. Bústaðurinn var í alveg ágætisstandi en eigendur hans ætluðu að fá sér stærri bústað. Þau fengu menn til að grafa holu og steypa stólpa/sökkla og fylla holuna með rauðamöl. Því næst kom húsið í heilu lagi og var lagt ofan á undirstöðurnar. Þar á það að standa í eitt ár þar til það verður endanlega boltað niður.

Nú ver verið að leggja síðustu hönd á rotþróna og vatns/raflagnir. Þetta hefur tekið ævintýralega stuttan tíma! Því miður veit ég ekki hver heildarkostnaðurinn er orðinn, en ef til vill áskotnast mér þær upplýsingar síðar. Þau létu drauminn rætast og óska ég þeim til hamingju með bústaðinn sinn! Ég læt mig enn dreyma, er reyndar núna með 3 sumarbústaði í sigtinu og lóðir á þremur stöðum. Ég ætla að bíða aðeins til að sjá hvernig verðið mun þróast fram á næsta vor. Á meðan er meiningin að leggja fyrir. Ef til vill get ég gert tilboð í sumarbústað eða lóð (leigulóð) næsta vor?

Lán til að kaupa sumarbústað

2008-07-24T23:36:00.005Z

Jæja, ég er búin að skoða nokkrar sumarhúsabyggðir í Borgarfirðinum og líst vel á allflesta staðina. Ég er ekki enn búin að gera upp við mig hvort ég vilji byrja á að leigja mér lóð og byggja bústað frá grunni eða kaupa eldri bústað. En ég vil gjarnan vera á leigulóð.

Ég ákvað í dag að skoða núna fjármálin betur og leit á heimasíður bankanna. Hvaða lánakjör ætli séu í boði fyrir fólk eins og mig sem langar í sumarbústað?

Jú, því miður, það eru ekki góðar fréttir. Bankarnir virðast lána til að byggja eða kaupa sumarbústað og/eða lóð. Þeir bjóða sýnist mér allir verðtryggð lán með 10 -12% vöxtum! Hvorki meira né minna. Þetta finnst mér of háir vextir ofan á verðtrygginguna. Það borgar sig greinilega að BÍÐA og LEGGJA FYRIR og sjá hvað gerist á sumarhúsamarkaðnum og lánamarkaðnum næsta árið......

Með V3 kveðju. Þ.
Veist þú að þú getur, endurgjaldslaust, fært viðhald eignarinnar þinnar til bókar á vefnum: www.V3.is - Viðhaldsbók hússins þíns

Leigulóð eða eignarlóð fyrir sumarbústað?

2008-07-20T00:55:00.017Z

Nú er viku dvöl í Borgarfirði lokið. Ég skoðaði lóðir og sumarbústaði sem eru til sölu (og lóðir til leigu), allt frá Skorradal upp í Húsafell og út á Mýrar. Ég komst nú ekki yfir öll sumarhúsahverfin en kom í nokkur þeirra. Til dæmis hverfið við Stóra Ás og nokkur hverfi við Skorradal. Lóðir í bígerð við Hraunsás voru einnig skoðaðar. Sumarhús og lóðir við Brókarvatn, í Svartagili, í landi Hallar og á Hvítársíðu voru skoðuð. Lóðir og bústaðir í landi Grímsstaða voru einnig skoðaðir. Ég ætlaði að skoða lóðir í Hvalfirðinum en það varð ekkert úr því að þessu sinni.

Og hver er niðurstaðan? Er skynsamlegt að kaupa lóð eða leigja eða kaupa eldri bústað? Á hann að vera á leigulóð eða á eignarlóð?

Í fyrsta lagi er ég búin að komast að niðurstöðu ef ákvörðunin verður að lokum að byrja á að fá mér lóð, án bústaðar. Það er ódýrara að leigja lóð en að kaupa. Og borgar sig ekki að mínu mati, að kaupa frístundalóð, hvernig sem maður reynir að reikna það dæmi til enda.

Dæmi
Leigulóð fæst gegn greiðslu 1.300.000 kr. upphafsgjald. Leiga á ári er 35.000 kr. og leigutíminn er 30 ár. Ákveðin þjónusta er innifalin í leiguverði. Sama lóð fæst keypt á 4.000.000 og engin leiga en ekki nein þjónusta þar sem ekki er verið að leigja neitt. Segjum að ég eigi 4.000.000. Ég festi mér leigulóðina og á 2.700.000 krónur eftir. Ég legg þær í banka og fæ miðað við 10% vexti 243 þús í vexti á ári að frádregnum fjármagnstekjuskatti.
Ég borga 35.000 krónur í ársleigu og á eftir 208 þúsund krónur. Gróflega reiknað þá á ég eftir 30 ár 6.000.000 í bankanum..... + 2.700.000 upphaflega höfuðstólinn. Þá get ég hugsanlega ákveðið að kaupa lóðina ef út í það er farið, en ég get ekki alveg reiknað út hvað hún muni kosta þá.... En ef ég get framlengt lóðarsamninginn þá myndi ég gera það og nota peningana í bankanum til að gera eitthvað fyrir bústaðinn!

Ef ég aftur á móti kaupi lóðina í dag þá á ég hana og þarf ekki að borga neina leigu en ég á enga peninga inni á bankanum eftir 30 ár. Ekki neinar 8.700.000 eins og ef ég hefði leigt lóðina.

Leigulóð með þeim gæðum sem fylgja flestum þeirra er ódýrari kostur fyrir þann sem lætur sig dreyma um að koma sér upp sumarbústað. Að mínu mati.

Með nýjum lögum um leiguland fyrir sumarbústaði er staða leigjandanna mjög bætt miðað við það sem áður var. Því ætti maður ekki að hika við að leigja sér land undir sumarhús svo framarlega sem gerður er fullgildur leigusamningur. Samningurinn ætti að vera til minnst 30 ára og tiltekið í honum hvað gerist eftir 30 ár þegar hann rennur út. Og ef maður selur bústaðinn sinn að þá geti kaupandinn gengið inn í samninginn sem fyrir er.

Í leigusamningnum þarf að vera ákvæði um það hvort hægt sé að rifta honum áður en samningstíminn er liðinn og hvernig skuli standa að því ef til þess kæmi. Það ætti að vera torvelt fyrir eiganda landsins að rifta leigusamningnum ef leigusali stendur í skilum með leigu og uppfyllir samninginn að sínu leiti. Ef eigandi vill rifta leigusamning og eigandi bústaðar vill ekki flytja bústaðinn í burtu, þá þyrfti landeigandinn jafnvel að kaupa bústaðinn og borga matsverð fyrir hann og gróður sem búið er að planta á landinu.

Ef rétt er staðið að málum get ég eftir það sem ég er búin að vera að skoða um þessi mál ekki með nokkru móti séð að það sé miklu betra að kaupa lóð en að leigja hana eins og fólk virðist í dag almennt halda.

Það sem ég sé aftur á móti er að landeigendur hagnast miklu meira á því að selja lóðirnar heldur en að leigja þær. Og því hafa þeir nýlega áttað sig á. Ef okkur er talið trú um að það sé miklu öruggara að kaupa lóð en að leigja hana, þá erum við að hjálpa landeigendum að hagnast sem mest á lóðunum sínum. Á kostnað okkar sjálfra, venjulega fólksins, sem getur ef til vill ekki látið drauminn um sumarbústað verða að veruleika ef við þurfum að kaupa lóð á 4.000.000 og svo eigum við eftir að gera allt sem við þurfum að gera.

Við gætum aftur á móti keypt leigulóð á 1.300.000, keypt lítið gestahús og komið okkur upp litlu húsi með rafmagni og köldu vatni og rotþró, á ca 2.700.000. Og byrjað að njóta litla bústaðarins okkar, sett niður blóm og plöntur og byrjað að rækta okkar eigin trjá- eða grasagarð.

Niðurstaða mín í dag er að ég er sannfærð um að leigulóð skal það vera og nú er spurningin hvort á ég að byrja með nýja leigulóð eða kaupa mér eldri bústað á leigulóð? Það er verkefni næstu daga að kanna þetta og reikna dæmið til enda.

Með V3 kveðju. Þ.
Veist þú að þú getur, endurgjaldslaust, fært viðhald eignarinnar þinnar til bókar á vefnum: www.V3.is - Viðhaldsbók hússins þíns

50.000 lóðir fyrir sumarhús......

2008-07-06T00:41:00.003Z

Samkvæmt fréttum hjá RUV í kvöld er búið eða langt komið að skipuleggja um 50.000 sumarhúsalóðir á Íslandi! Fjöldi sumarbústaða er um 14.000 bústaðir þ.a. fjöldi lóða ætti að duga næstu þrjár aldirnar skv. fréttinni. Skv. fréttinni má ætla að verð á sumarbústaðalóð, og gat ég ekki alveg skilið hvort um var að ræða leigulóð eða eignarlóð, myndi lækka um 50%. Það er eins gott að taka öllum sumarbústaðahugleiðingum með ró og ekki flýta sér. Bíða og fylgjast með....

Ætti ég frekar að byrja á að fá mér lóð?

2008-07-01T20:54:00.012Z

Ég fór í klippingu í dag sem er í sjálfu sér ekki frásagnarvert. En, hárgreiðslukonan mín sem á sumarbústað í Borgarfirðinum, benti mér á að það væri hægt að fá leigulóð á 1.000.000 (og jafnvel minna) og byggja sjálfur fínasta sumarhús fyrir 10.000.000. Og það gæti maður byggt á nokkrum árum, þ.a. ef ég ætlaði að kaupa mér sumarbústað þá skyldi ég athuga hvernig það kæmi út að byrja á tómri lóð og fara hægt og rólega af stað.

Ég byrjaði á að googla og viti menn, ég fékk upp síðu, þar sem land undir sumarbústaði er augýst á 200.000 krónur og leigan fyrir árið er 30.000 kr. Lóðirnar eru frá 0,16 - 0,63 hektarar að stærð. En, það er engin dagsetning á síðunni, kanski er þetta gömul vefsíða, þetta virðist nú vera frekar ódýrt. En, þarna eru símanúmer og netfang, best að senda fyrirspurn. Staðurinn er Selborgir í landi Urriðaár á Mýrum. Hljómar vel. Og lítur vel út.

Ég ætla vissulega að skoða þennan möguleika, skoða hvað leigulóð kostar og líka hvað kostar að kaupa sér lóð. Í maí voru samþykkt lög um frístundabyggð og leigu lóða undir frístundahús: Lög um frístundabyggð og leigu lóða undir frístundahús

Ég er búin að skoða lögin og finnst þau frekar flókin. Fljótt á litið lítur út fyrir að það sé kanski einfaldara að kaupa lóðina heldur en að leigja hana og borga ársleigu og eiga ef til vill á hættu að leigusali segi upp samningnum með tilheyrandi hugsanlegu veseni, ef til vill málaferlum ef menn eru ekki sáttir?

Það væri gaman að vita hvað þessi nýju lög hafa að segja fyrir eigendur sumarbústaða á leigulóðum. Eru þeir öruggir með lóðina sína, eða geta þeir lent í því að þurfa að flytja bústaðinn burtu? Eða selja bústaðinn til landeigandans á matsverði? Ég er ekki löglærð og átta mig ekki alveg á því hvort það að leigja sér lóð fyrir sumarbústað til 20 ára sé góður möguleiki miðað við að margir landeigendur eru tilbúnir til að selja fólki lóðina. Ein greiðsla í eitt skipti fyrir allt og enginn getur vísað manni burtu, enginn getur rift neinum samningum. Og maður getur selt bústaðinn sinn með lóð og öllu ef maður vill án þess að kaupandinn þurfi að semja við landeigandann.

Land er fasteign, það veit ég, og landeigendur, þeas fasteignaeigendur geta sagt upp leigendum sínum þegar um venjulega leiguíbúð er að ræða. Enda finnst öllum það sjálfsagt ef það er gert á réttan hátt. En ef maður leigir lóð, og byggir á henni bústað og plantar út trjám, þá er ekki eins auðvelt að flytja eins og að flytja úr íbúð. En ég skil það sjónarmið, að landeigandinn vilji rifta leigusamningnum, þetta er hans eign......

Jæja. Best að hætta sér ekki of mikið út í þessa sálma. En ég ætla að skoða næstu daga hvaða kjör eru í boði fyrir annars vegar leiguland og hins vegar hvað kostar að kaupa land. Ég ætla að skoða 0,4 - 0,5 hektara lóðir, gjarnan í Borgarfirðinum eða á Suðurlandi. Og einnig hvaða gæði fylgja þessum lóðum, t.d. rafmagn, heitt/kalt vatn o.s.frv. og hvað kosta gæðin?

Eitt að lokum, ársleigan fyrir lóðina sem litli bústaðurinn í Húsafelli er á, er 124.000 krónur á ári. Fékk það staðfest í dag. Leigan fyrir hann er semsé næstum því 3svar sinnum hærri en leigan fyrir lóðina í Fitjahlíðum. Og lóðin er eins og kom fram í gær, aðeins 0,12 hektari, frekar lítil lóð, en kanski alveg nógu stór miðað við svona lítinn bústað. Á einu ári er leigan 124.000 - 45.000 = 79.000 kr. hærri. Á 20 árum er það ca 1.600.000 hærra verð í leigu fyrir litla Húsafellsbústaðinn miðað við litla Skorradalsbústaðinn. Það þarf að taka allt með í reikninginn.

Með V3 kveðju. Þ.
Veist þú að þú getur, endurgjaldslaust, fært viðhald eignarinnar þinnar til bókar á vefnum: V3.is - Viðhaldsbók hússins þíns

Mig langar í sumarbústað.........

2008-06-30T21:06:00.009Z

Jæja kæru lesendur. Nú langar mig, V3 bloggarann, í sumarbústað! Ég stefni á að blogga um það sem ég verð áskynja um varðandi þessi mál. Allar athugasemdir og góðar ábendingar eru vel þegnar.

Ég byrjaði semsé í dag, mánudaginn 30. júní 2008 að skoða fasteignablöðin sem bárust inn um lúguna. Ég fann tvo bústaði auglýsta hjá Eignamiðlun Mosfellsbæjar. Ég hringdi og Svanþór sölumaður sendi mér að bragði nánari upplýsingar um bústaðina. Annar bústaðurinn er í Skorradal í Fitjahlíðum og hinn er í Húsafelli. Sá í Fitjahlíðum kostar 13,9 milljónir og sá í Húsafelli kostar meira en helmingi minna eða bara 5,9 milljónir!

Báðir eru á leigulóð, og þá vaknar fyrsta spurningin? Er maður að kaupa köttinn í sekknum með að kaupa sér bústað á leigulóð? Í sölulýsingunni fyrir bústaðinn í Fitjahlíðum er tekið fram að nýr lóðarleigusamningur skal gerður við sölu á eigninni. Ætli það sé almennt gert þegar bústaður á leigulóð er seldur?

Næsta spurning vaknar um leið, hvernig getur maður nú reiknað út hvort sé hagkvæmara að kaupa land eða leigja undir sumarbústað? Eða að kaupa gamlan bústað á leigulandi ef það þarf líka að semja við eiganda landsins við sölu? Hvort gerir maður fyrst, kaupir bústaðin af eigandanum eða semur við landeigandann? Þetta hlýtur nú allt að haldast í hendur?

En, aftur að bústöðunum tveimur. Til að byrja með skoða ég nánar upplýsingarnar um bústaðina tvo. Báðir eru semsé á leigulóð. Önnur lóðin er 0,12 hektari og hin er 0,2. Lóðin í Skorradal liggur niður að vatninu. Bústaðurinn í Skorradal er um 35 m2 og er frá árinu 1974. Það þarf að styrkja stoðir undir bústaðnum. Bústaðurinn í Húsafelli er ekki nema 22 m2 en er frá árinu 1987. Hann er töluvert minni, á minni lóð og væntanlega ekki alveg eins mikið út af fyrir sig og bústaðurinn í Fitjahlíðum.

Þá er það peningahliðin: Leigan fyrir bústaðinn í Húsafelli er 124000 krónur fyrir árið 2008, ætli það sé bara hálf leiga? Árið er jú hálfnað? Þetta þyrfti að athuga betur. 124000 er ansi há leiga. Leigan er 3 - 6 sinnum hærri en í Skorradal. Kanski er þarna einu núlli of mikið, þ.a. leigan á ársgrundvelli sé 12400*2= 24.800 krónur?

Hvað með ásett verð, hvor bústaðurinn er á betra verði? Verðið á bústaðnum frá 1974 er ca 2,2 sinnum verðið á fasteignamati + lóðamati. Verðið á bústaðnum í Húsafelli er ca 1,2 sinnum verðið miðað við fasteignamat + lóðamat.

En, hann er minni, og ef upplýsingarnar um leiguna eru réttar, þá er hún miklu hærri. Á 20 árum er leigan fyrir Húsafellsbústaðinn 120.000 eða 240.000*20=2.400.000 eða 4.800.000 en fyrir bústaðinn í Skorradal, 45000*20=900.000. Eins gott að tékka af leigutöluna fyrir bústaðinn í Húsafelli, það munar um minna.

En, báðir bústaðarnir eru komnirn á listann og um miðjan júlí verður lagt af stað í skoðunarleiðangur og bústaðirnir skoðaðir svo framarlega sem þeir verði ekki seldir. Ef til vill verða fleiri bústaðir komnir á listann þegar að skoðunarleiðangrinum kemur. Og kanski verða komnar á hann lóðir, maður ætti ef til vil að byrja á að kaupa sér lóð og gerast lóðareigandi en ekki bara sumarhúsaeigandi?

Ég segi meira frá því síðar hvernig þessi mál þróast.

Með V3 kveðju. Þ.
Veist þú að þú getur, endurgjaldslaust, fært viðhald eignarinnar þinnar til bókar á vefnum: V3.is - Viðhaldsbók hússins þíns

Landskrá fasteigna - 180.328 fasteignir

2008-05-08T22:17:00.004Z

Í 1.tbl 1. árgangi afmælisrits Félags fasteignasala, blaðinu Fasteignir, er á bls. 12 viðtal við Margréti Hauksdóttur, aðstoðarforstjóra Fasteignamats ríkisins. Í viðtalinu kemur fram að Ísland stendur í fremstu röð ríkja varðandi skráningu upplýsinga um fasteignir á Íslandi í gagnagrunninn Landskrá fasteigna. Skráin inniheldur upplýsingar á landsvísu um allar fasteignir á Íslandi. Frá 2001 hefur verið unnið að því að sameina fasteignamatsskrá og þinglýsingabók sýslumanna.

Margrét segir að í dag (maí 2008) séu upplýsingar um 180.328 fasteignir í skránni og það sé um 96% allra þinglýstra fasteigna á Íslandi. Dæmi um upplýsingar sem vistaðar eru í Landskrá fasteigna er brunabótamat, fasteignamat og upplýsingar um þinglýsta eigendur fasteignar.

Auk ýmissa annarra upplýsinga sem eru vistaðar í Landskránni má finna þar loftmyndir af 97% allra mannvirkja á landinu og ætli það sé ekki stærsta myndasafn landsins? Þú getur skoðað loftmynd af hvaða fasteign sem er með því að fara inn á vefinn hjá fasteignamatinu og slegið inn heimilisfang í reit ofarlega til hægri á forsíðunni.

V3.is sækir einmitt upplýsingar um fastanúmer fasteignar í Landskrá fasteigna þegar notandi býr til viðhaldsbók fyrir eign sína. Fastanúmer eignar er kennitala eignarinnar og þótt íbúð/eign skipti um eigendur heldur hún alla tíð fastanúmeri sínu. Þannig tilheyrir einnig viðhaldsbók eignar ávalt eigninni en er ekki bundin við eigandann.

Félag fasteignasala með nýjan fasteignaleitarvef í bígerð

2008-05-04T14:34:00.004Z

Fasteignarleitarvefir eru í dag tveir á Íslandi, vefur mbl.is og vefur habil.is.

Í afmælisriti Félags fasteignasala, maí 2008, kemur fram í viðtali við Grétar Jónasson, framkvæmdastjóra Félags fasteignasala, að félagið mun á næstunni kynna nýjan fasteignaleitarvef, www.fasteignir.is.

Tilgangurinn er að auðelda fólki að finna eignir á netinu og bæta gæði auglýsinga vegna eigna sem eru til sölu. Fasteignasalarnir eru þeir sem skrá eignir á sölu og þeir búa yfir öllum upplýsingunum sem til þarf til að reka góðan fasteignarleitarvef. Auk upplýsingar um eignir á söluskrá er ætlunin að birta ýmsar gagnlegar upplýsingar á vefnum.

Fyrirhugað er að opna vefinn formlega í ágúst 2008.

V3.is óskar Félagi fasteignasala til hamingju með fyrirhugaðan vef. Það verður spennandi að fylgjast með þróun fasteignaleitarvefja næstu mánuðina. Ætli einhverjum detti í hug að tengill í rafræna viðhaldsbók fasteignar í sölu, gæti verið áhugaverður valkostur á fasteignaleitarvef?

Örbylgjuloftnet í fjölbýlishúsi.

2008-04-13T12:44:00.006Z

Eftirfarandi fyrirspurn barst V3.is 12.apríl 2008.

Við hér í blokkinni höfum verið með örbylgjuloftnet sem nú er orðið ónýtt. Nú hagar málum þannig að meirihl. íbúa notar ekki lengur loftnetið heldur er með sjónvarp tengt við ADSL. Þurfa allir að taka þátt í kaupum og uppsetningu á nýju loftneti þó svo þeir þarfnist þess ekki lengur?
Kv. S.

Svarið sem V3.is sendi S:

Hæ. Takk fyrir fyrirspurn þína. Þetta er mál sem varðar marga í húsfélögum og eftirfarandi er mitt mat á þessu máli.

Það eru nokkrir möguleikar í boði til að taka inn sjónvarp. Síminn býður upp á sjónvarp í gegnum ADSL og í gegnum breiðband. Vodafone er að þróa það sama hjá sér og mun væntanlega bjóða upp á samsvarandi tengingarmöguleika síðar. Staðreyndin er þó að maður þarf að greiða nokkur þúsund kr. á mánuði fyrir að vera með ADSL tengingu þótt sjónvarpstengingin sjálf eigi ekki að kosta neitt. Flestar sjónvarpsstöðvarnar bjóða upp á sjónvarp í gegnum ljósleiðara Orkuveitunnar svo og yfir loftnetstenginu. Vandinn er aðeins að ekki eru allir komnir með ljósleiðarann og greiða þarf grunngjald mánaðarlega til Orkuveitunnar fyrir áskrift að ljósleiðaranum, en ekki að sjónvarpsmerkinu í gegnum loftnetið.

Bæði ADSL tenging Símans og tenging við ljósleiðara Orkuveitunnar, bjóða fyrst og fremst upp á tölvutengingu auk möguleikans á að taka inn sjónvarp.

Þeir sem eru bæði með sjónvarp og internet hafa væntanlega áhuga á að taka inn sjónvarpið í gegnum ADSL/ljósleiðarann, sérstaklega ef gæðin verða betri en í gegnum loftnetið. Þeir sem eru ekki með internetið og bara með sjónvarp vilja væntanlega nota (örbylgju)loftnetið enda er loftnetstenging án mánaðargjalds en á móti kemur að greiða þarf fyrir loftnetið í byrjun og kostnað vegna uppsetningar þess.

Samantekt:

Ég held að stjórn húsfélagsins eigi að leggja þetta fyrir húsfund og kosið verði um það hvernig eigi að skipta kostnaðnum fyrir uppsetningu nýs örbylgjuloftnets og hvernig taka eigi á því þegar íbúð er seld og nýr eigandi vill nýta sér loftnetið ef núverandi eigandi hennar "á ekkert í loftnetinu".

Örbylgjuloftnet eru gæði sem fylgja íbúð, ef tengingar frá loftneti í vegg íbúðarinnar eru til staðar. Áskrift að ADSL/breiðbandi/ljósleiðara er á nafni eiganda íbúðar og fylgir ekki íbúð þegar hún er seld.

Ég lagði fyrirspurn þína og svarið inn á spjallborð V3.is, www.spjallbord.com þar sem fólk getur líka sagt sína skoðun. Með kveðju, frá V3.is/ÞJ

Viðhaldsbók - www.V3.is auglýsir eftir notendum

2008-03-24T10:57:00.002Z

Viðhaldsbók hússins - www.V3.is auglýsir eftir notendum til að opna viðhaldsbók fyrir eign sína.

Tilgangurinn með vefnum, www.V3.is er að búa til skráningartól sem venjulegt fólk getur notað til að færa til bókar viðhald á eignum sínum. Tólið inniheldur símaskrá þar sem notandi skráir inn nöfn iðnaðarmanna og símanúmer. Notendur skrá einnig hve ánægðir þeir er með iðnaðarmanninn sinn og deila nöfnum og símanúmerum fagmanna sem vinna vel og mæla má með við aðra.

Allir sem eru að leita sér að fagmanni geta farið inn á vefinn og skoðað hvaða iðnaðarmönnum notendur V3 mæla með.

Ef íbúðinni hefði tilheyrt viðhaldsbók...

2008-02-03T12:00:00.000Z

Hjón í Reykjavík keyptu sér íbúð á annarri hæð í litlu fjölbýli. Íbúðin leit vel út með parketi á stofunni. Parketið leit út fyrir að vera nýlegt en eitthvað fannst fólkinu vera að því. Þau fóru því í það að taka upp parketið af gólfinu. Þá kom í ljós að undir parketið hafði verið lagður plastdúkur. Þetta fannst þeim auðvitað frekar skrítið. Undir plastdúknum kom í ljós raki. Í stað þess að uppræta þennan raka þegar parketið hafði verið lagt á sínum tíma, var bara plast lagt yfir gólfið til að hlífa nýja parketinu.

Við nánari skoðun kom í ljós að rakinn stafaði af leka í gegnum sprungu í útvegg. Þetta dæmi sýnir ókunnugleika á eðli málsins. Ávalt skal finna og stoppa leka, þegar hans verður vart. Sama þótt það kosti húseigandann meiri útjöld og tafir, aldrei skal reyna að fela leka með því að setja yfir hann plast, dúk eða reyna að klæða hann á einhvern hátt af. Rakinn er jafn slæmur þótt hann sjáist ekki um stund, en hann kemur fram fyrr eða síðar, t.d. við næstu framkvæmdir eða lyktin sem fylgir rakaskemmdum fer að gera vart við sig. Mygla fylgir gjarnan raka.

Það skal einnig tekið fram að í fjölbýlishúsum er kostnaður vegna viðgerða á sprungum í útveggjum oftast sameiginlegur. Ef raki er í vegg og eigandi eignar telur að það sé vegna sprungu í útvegg, á hann að taka málið upp á húsfundi. Ef skemmdir eru farnar að gera vart við sig er oftast ekki eftir neinu að bíða, heldur að fá húsfélagið að ganga í málið. Raki í vegg getur einnig stafað af leku röri eða óþéttu baðherbergi í íbúð fyrir ofan viðkomandi vegg.
Reglan er að ef vart verður við raka við einhverjar framkvæmdir, skal finna hvaðan hann kemur og ráðast í viðgerðir til að losna við hann!

Ef þessari íbúð hefði tilheyrt viðhaldsbók, sem hefði verið samviskusamlega fyllt út, þá hefði í henni væntanlega komið fram að plast hefði verið lagt undir parketið. Þá hefðu núverandi kaupendur getað spurt nánar um þetta, hvers vegna var plast lagt undir parketið? Því slíkt gerir væntanlega ungur fasteignaeigandi sem hefur litla reynslu af viðhaldi og veit ekki hvað hann er að gera og gerir það væntanlega í góðri trú. Lykilatriðið við viðhaldsframkvæmdir er að vita hvernig var verkið unnið, hverjir unnu það og hvaða efni var notað. Eigandi sem heldur vel utan um allar sínar framkvæmdir og getur sýnt viðhaldsbókina sína þegar hann selur eignina sína, leggur spilin á borðið. Hann fær væntanlega síður á sig ásakanir um að hann hafi haldið mikilvægum upplýsingum leyndum með tilheyrandi fundum með lögfræðingum til að leita sátta.

Húseigendur, það er aldrei of seint að byrja að færa viðhaldið sitt til bókar. Gjörið svo vel að nota vefinn http://www.v3.is/ til þess. Skráning og notkun er án endurgjalds.

Gamlir hankar fá nýtt líf á baðherberginu

2008-01-22T21:51:00.001Z

Skemmtileg útfærsla á hönkum fyrir baðherbergið
Úrræðagóðan náunga vantaði hanka á baðherbergið sitt. Hann vildi ekki nýja hanka og vildi lausn sem myndi gæða baðherbergisvegginn nýju lífi. Hugmyndin sem hann fékk og útfærði var að kaupa alls konar gamla hanka og mála þá í sama lit og festa á fjöl sem yrði fest á baðherbergisvegginn. Hann fór í verslun sem selur gamla muni og á flóamarkað og kom heim með nokkra mismunandi hanka.

Hann sauð hankana til að losa þá við óhreinindi og fitu, festi hankana á fjöl og málaði. Við bíðum eftir að sjá framhaldið........

Að rífa gamalt hús og byggja nýtt

2008-01-11T19:38:00.001Z

Getum við sem húseigendur, ákveðið að rífa húsið okkar og byggja nýtt á lóðinni?
Hvaða ferli setjum við af stað ef við ákveðum að rífa húsið okkar? Er nóg að sækja um hjá Byggingafulltrúa?
Það væri gaman að fá að vita meira um hvernig þetta fer fram í framhaldi af umræðunni um húsin á Laugavegi 2 og 4, sem eru eftst á baugi um þessar mundir. Ef einhver ykkar, kæru lesendur, veit eitthvað um þetta, segið okkur hinum frá því hvernig svona mál ganga fyrir sig almennt í Reykjavík og/eða í öðrum sveitarfélögum.

Gleðilegt nýtt ár!

2008-01-01T15:02:00.001Z

V3.is óskar notendum sínum öllum gleðilegs nýs árs.

Árið 2008 er gengið í garð og við hæfi að líta yfir það sem áunnist hefur á árinu 2007. Í febrúar 2007 var fyrirtækið Viðhaldsbók ehf stofnað. Um vorið leit fyrsta útgáfa vefsins http://www.vidhaldsbok.is/ dagsins ljós. Fljótlega var fjárfest í léninu V3.is og sótt um skrásetningu merkisins V3 til Einkaleyfastofu. V3 var skrásett sem vörumerki á árinu.

V3 stendur fyrir þrjár rafrænar bækur, sem eru aðgengilegar notendum í gegnum vefinn http://www.v3.is/. Bækurnar eru: Viðhaldsbók fasteignaeigandans, viðhaldsbók húsfélagsins og verkbók fagmannsins.

Megin þungi vinnunnar við vefinn á árinu 2007 hefur verið að fá fram lágmarksvirkni, fá ákveðin atriði til að virka. Flest þessara atriða eru komin inn og virka. Minni áhersla var lögð á útlitið á vefnum, fyrr en í lok ársins en þá var athyglinni beint að útlitinu. Vinna við það svo og áframhaldandi vinna með virkni vefsins heldur áfram á nýju ári.

Eftirfarandi eru megin atriðin sem náðst hafa á árinu 2007:

A. Vefurinn http://www.v3.is/ eða http://www.vidhaldsbok.is/ er kominn í loftið

B. Fasteignaeigendur geta skráð hjá sér í gagnagrunn, upplýsingar um viðhald sem þeir standa fyrir á eignum sínum. Auk þess skrá þeir hjá sér upplýsingar um fagmenn sína og mæla með þeim ef þeir eru ánægðir með þá. Allir geta farið á vefinn og leitað sér að fagmanni sem húseigendurm mæla með

C. Eigandi eignar í húsfélagi getur skráð kennitölu húsfélagsins á eignalistann sinn og fengið aðgang að viðhaldsbók húsfélagsins. Hann getur skráð í hana viðhaldsverk og fleira sem snýr að húsfélaginu

D. Fagmaður getur skráð upplýsingar um sig og þjónustu sem hann býður upp á. Allir geta leitað að fagmanni sem skráir sig á V3.is

E. V3 vaktin er bloggsíða V3 þar sem ýmsum upplýsingum er komið á framfæri

F. http://www.spjallbord.com/ er spjallborð á vegum V3.is. Þar geta fasteignaeigendur, fagmenn og þeir sem áhuga hafa á málefninu, spjallað um allt sem snýr að fasteignum, viðhaldi þeirra og málefni því tengd

G. V3 pósthópur hefur verið stofnaður. Þeir sem óska eftir að vera í pósthópi og fá öðru hvoru fréttir af V3.is, geta skráð sig í pósthópinn með því að fylla út beiðni um aðgang á eftirfarandi slóð: http://groups.google.com/group/v3is

H. Finna leið. Vegvísun á netinu. Notandi velur upphafsstað og áfangastað eru tilteknir, birtist kort sem sýnir leiðina milli tveggja staða. Notandinn flyst yfir á vef Map24 og kortið birtist þar

Ýmislegt fleira hefur verið á dagskránni á árinu og má þar nefna fróðleikskaflann og möguleikann að opna viðhaldsbók eignar sem er í sölu.

Markmið ársins 2008 er að þróa vefinn áfram og koma honum betur á framfæri.

Fyrir hönd V3.is - Viðhaldsbókar ehf, sendi ég ykkur öllum mínar bestu kveðjur.
Þóra Jónsdóttir, tölvunarfræðingur

V3.is setur upp spjallborð fyrir fasteignaeigendur

2007-12-02T00:07:00.000Z

V3.is setti upp spjallborð (e. forum) fasteignaeigenda, fagmanna og allra sem hafa áhuga á fasteignum í dag, 1. desember 2007. Slóðin er www.spjallbord.com
Markmiðið er að skapa vettvang húseigenda og sérfræðinga sem vita allt um viðhald og fasteignir! Ef þú vilt vita eitthvað varðandi fasteignir, viðhald þeirra, sölu eða kaup, farðu á www.spjallbord.com og leggðu inn fyrirspurn. Ef þú veist svarið við fyrirspurn sem einhver leggur inn á spjallborðið, er svar þitt vel þegið.

Fyrispurnir eða svör má einnig senda á netfangið: vbok@vbok.is Öllum fyrirspurnum sem eru sendar á vbok@vbok.is er svarað eins fljótt og auðið er. Þær, ásamt svari, verða ef við á, settar inn á spjallborðið.
Ef þú ert sérfræðingur á þínu sviði og ert tilbúinn til að svara fyrirspurnum á V3.is - spjallborðinu, vinsamlega fylgstu með fyrirspurnum sem koma inn á spjallborðið eða hafðu samband á netfangið: vbok@vbok.is og við munum senda til þín fyrirspurn sem okkur berst.Með kveðjuÞóra V3.is

Er V3.is - Viðhaldsbók, vistvæn?

2007-11-25T16:58:00.000Z

Umhverfismál og vistvænar vörur eru ofarlega á baugi nú til dags. Við eigum bara eina jörð og við verðum að fara vel með hana. Um þetta ættu fasteignaeigendur að hugsa þegar ráðist er í það að henda öllu út úr íbúð/húsi sem viðkomandi hefur nýlega fest kaup á. Við skulum staldra við, það er ekki bara að slíkt kostar okkur viðbótarútgjöld, við erum ekki sérlega umhverfisvæn ef við gerum þetta. Ef við viljum hafa allt nýtt í kringum okkur, af hverju kaupum við okkur ekki frekar nýtt hús eða byggjum það sjálf?

Oft er afsökunin sú, að þetta sé allt saman gamalt drasl! En er það svo? Oft eru innréttingar og gólfefni alls ekki svo gömul, það veit bara enginn hve gömul eða úr hverju hlutirnir eru. Þennan hugsunarhátt vill V3.is hafa áhrif á, með því að stuðla að því að fasteignaeigendur haldi bókhald yfir það sem þeir gera við í húsunum sínum. Þannig gefa þeir þeim sem á eftir koma tækifæri til að sjá hve gamlir hlutirnir eru. Og vinna þannig að því að hlutum sé ekki hent vegna þess að nýr eigandi heldur að hann sé gamall. Ef það er staðreynd, að viðkomandi hlutur er ekki svo gamall og auk þess úr góðu, umhverfisvænu efni, staldrar ef til vill nýji eigandinn við, áður en hann hendir hlutnum út í gám.

Umhverfissinnar ættu að taka vef eins og V3.is fagnandi, og nýta sér hann til að halda til haga upplýsingum um viðhald eignar sinnar og vinna þannig á umhverfisvænum nótum!

Fyrsta eignin til sölu með viðhaldsbók!

2007-10-08T15:36:00.000Z

Fyrsta eignin með viðhaldsbók á V3.is er komin á sölulistann. Eignin sem um ræðir er 128 m2, 4-ra herbergja íbúð í Núpalind 8 Kópavogi. Áhugasamir kaupendur geta skyggnst inn í viðhaldsbók eignarinnar með því að smella á tengilinn ,,skoða" Viðhaldsbók. Heiti fasteignasölu svo og símanúmer tengiliðar/eiganda er tilgreint fyrir þá sem vilja fá nánari upplýsingar eða mæla sér mót við seljanda til að skoða eignina. Sjá nánar á nýjustu eignir í sölu á sölulista Viðhaldsbókar hússins - V3.is.

Vilt þú hafa áhrif á sölu eignarinnar þinnar?

2007-10-03T09:26:00.000Z

Skráðu þig og stofnaðu viðhaldsbók fyrir eignina þína á http://www.v3.is/. Þú setur inn upplýsingar um eignina þína, t.d. mat þitt á ástandi eignarinnar og fleira. Tilvonandi kaupendur geta skoðað upplýsingarnar á netinu, á V3.is. Þú auglýsir þannig eign þína til sölu án nokkurs kostnaðar. Og með dýrmætum upplýsingum um eignina þína.

Þú stjórnar því sjálfur hvaða upplýsingar þú vilt að birtist. Þú gefur upp nafn fasteignasölu og símanúmer sem tilvonandi kaupandi getur hringt í til að koma og skoða eignina ef við á.

Það sem þú þarft að gera er að "Nýskrá" þig á vef Viðhaldsbókar, setja eignina þína á eignalistann, velja atriði sem þú vilt fylla út fyrir þína eign og setja hana að lokum á sölulistann. Þú getur hvenær sem er bætt við og breytt upplýsingum um þína eign. Þú getur haft áhrif á sölu eignarinnar þinnar með því að gefa nákvæmar og aðgengilegar upplýsingar um hana. Auk þess birtist eignin þín á sölulista viðhaldsbókar þar sem kaupendur geta flett henni upp.
Þótt þú sért ekkert að hugsa um að setja eignina þína í sölu, geturðu stofnað viðhaldsbók fyrir hana og notað til að halda utan um allt viðhald sem þú stendur fyrir á eigninni þinni. Þú getur líka haldið utan um fagmenninan þína og hve ánægður þú ert með þá. Þú getur leitað að fagmanni sem aðrir notendur mæla með. Gjörðu svo vel að skrá þig á www.V3.is.

Nú getur kaupandi leitað að eign í viðhaldsbók

2007-09-27T19:33:00.000Z

Notendur viðhaldsbókar halda utan um viðhaldið sitt á http://www.v3.is/. Ef þeir ákveða að selja eignina sína, geta þeir heimilað tilvonandi kaupendum að skyggnast inn í viðhaldsbók eignarinnar. Þeir setja einfaldlega eignina sína á sölulistann. Velja Mínar eignir og Sölulisti og fylla út atriðin sem boðið er upp á. Kaupendur geta séð hvaða eignir í viðhaldsbók eru komnar í sölu með því að velja tengilinn Ert þú að leita að eign á forsíðu http://www.v3.is/

Bætt við skráningaratriðum fyrir viðhaldsverk

2007-08-31T19:37:00.001Z

Nokkur ný atriði hafa bæst við skráningu viðhaldsverk. T.d dagsetning þegar færsla er fyrst skráð og reitur til að skrá upplýsingar um efni og tæki.

Sænautasel, vel uppgerður gamall torfbær

2007-08-27T21:22:00.000Z

V3 vaktin var á Norðurlandi í sumar. Á ferðalaginu var tjaldað í Sænautaseli á Jökuldalsheiði. Sænautasel var byggt árið 1843 um 530 m yfir sjávarmáli. Bærinn var í byggð til 1943. Sögu Sænautasels má lesa á síðunni http://nemendur.khi.is/svanbjar/torf/

Sænautasel er fallegur og skemmtilegur staður til að staldra við á og það borgar sig að taka á sig smá krók út af hringveginum. Boðið er upp á lummur og kaffi eða kakó. Í nágrenni Sænautasels eru miklir jökulruðningar sem kallaðir eru Grýlugarðar. V3 vaktin var 3 tíma að ganga þangað og til baka aftur. Myndirnar eru teknar af bænum í Sænautaseli og af Grýlugörðum.

Minnisbókin í viðhaldsbók hefur verið endurbætt

2007-08-27T20:49:00.001Z

Minnisbókin í viðhaldsbók hefur verið endurbætt. Notandi getur skráð hjá sér minnisatriði sem hann og aðeins hann sér. Myndirnar sýna yfirlit yfir minnisatriðin og endurbætt skráningarform
Má bjóða þér að halda utan um viðhaldið þitt? Gjörðu svo vel að skrá þig endurgjaldslaust á http://www.v3.is/

Viðhaldsbók hússins þíns gerir þér kleift að halda utan um viðhald eignar og/eða húsfélags!

Rafmagnstæki og húsgögn

2007-08-22T23:01:00.000Z

Ný virkni bætist stöðugt við á vefinn http://www.v3.is/. Notendur viðhaldsbókar geta nú skráð hjá sér upplýsingar um tæki og húsgögn sem þeir kaupa. Þeir geta skráð hjá sér kaupdag, heiti verslunar, lengd ábyrgðar og ýmislegt fleira sem gott er að halda til haga varðandi kaup á hlut. Formið er undir tenglinum ,,Mínar síður" og heitir einfaldlega ,,Tæki og húsgögn". Þú þarft að vera skráður inn á vefinn til að nýta þér þetta form.
Skráning og notkun er án endurgjalds.
Ef þú hefur ekki komið áður, velurðu ,,Nýskrá"annars ,,Innskrá".
http://www.v3.is/

Útisturta í Fljótavík, Hornströndum

2007-08-06T15:18:00.000Z

Fljótavík á Hornströndum er algjör náttúruperla. Lundabaggar voru þar á ferð sumarið 2006 og komu sér upp sturtuaðstöðu. Sturtan var köld og hressandi og svínvirkaði! Enginn vildi reyndar leyfa V3 vaktinni að taka mynd af sér í sturtunni.

Surtan er hugvitsamlega byggð úr plastbrúsa, málningardós, gömlu stelli af hjólbörum og garðslöngu. Sturtubotninn er úr plasti. Sturtan var ekki byggð til að standa nema í tvo daga og var að þeim loknum tekin niður og einingunum sem hún var byggð úr, skilað á sinn stað. Byggingameistarar voru Anna Ólöf og Björk.

V3 vaktin á Norðurlandi

2007-08-06T15:08:00.000Z

V3 vaktin heimsótti Laufás í Eyjafirði, sunnudaginn 15. júlí. Á Laufási var ,,starfsdagur" og kom V3 vaktin akkúrat að þegar störfum dagsins var að ljúka og dansinn tók við.

V3 vaktin heimsótti líka Akureyri í júlí. Athygli V3 vaktarinnar vakti vel uppgert gamalt hús í ,,Gilinu". Hús sem hefur staðið autt í alla vega 20 ár en hefur nú allt verið tekið í gegn. Verið er að klára að gera það upp að innan. Veitingastaður hefur þegar verið opnaður á efri hæð hússins en á neðri hæðinni er fyrirhugað að opna sælkeraverslun samkvæmt heimildum V3 vaktarinnar. Veitingahúsið og verslunin heita Friðrik V.

Inngangur sælkeraverslunarinnar blasir við þegar gengið er upp gilið. Verlsunin var ekki tilbúin þegar V3 vaktin átti leið hjá í júlí.

Fagmennirnir voru á fullu innandyra að koma versluninni í stand og gáfu sér tíma til að veifa V3 vaktinni sem tók mynd af þeim

Garðar á þökum í Manhattan

2007-08-06T14:56:00.000Z

V3 vaktin brá undir sig betri fætinum í júlí og heimsótti m.a. Manhattan, New York. Garðar á þökum háhýsanna vöktu athygli og hér er mynd sem sýnir myndarlegan garð á efstu hæð eins hússins.

2007-07-06T17:49:00.000Z

3 gamlar myndir frá Lækjartorgi. Sú elsta er frá 1907, næsta frá 1917 og sú yngsta frá því um 1930.

Skemmtileg hirsla fyrir geisladiska

2007-07-05T23:16:00.000Z

V3 vaktin rakst á skemmtilega mynd af hirslu fyrir geisladiska og birtir hana hér með.

Þessi geisladiskahirsla eða haldari er kallaður "Human CD holder". Hægt að kaupa fyrir $40 hér.

Sírena í blóma í Reykjavík

2007-07-05T22:13:00.000Z

Sírenan var sett niður fyrir rúmum 20 árum síðan eða um 1985 Þetta er fyrsta sumarið sem hún er þakin blómum, áður hafa verið á henni blóm hér og þar. Fremst á myndinni sést glitta í plómutré sem var sett niður vorið 2005. Efst á trénu sést í kalkvisti sem komu í ljós í vor. Plómutréð er ekki farið að bera blóm.
Þetta er sama sírenan, bara tekið aðeins nær.

Hvað kostar að selja fasteign?

2007-06-20T19:03:00.000Z

V3 fylgist með því hvað það kostar að selja fasteign

Dagsetning könnunar
20.06.2007
Leitað var á ,,Google" undir leitarorðinu ,,fasteignasala". Leitað var að verðskrá/gjaldskrá eða upplýsingum um verð hjá fyrstu 20 fasteignasölum sem birtust.
Niðurstaða:
5 af 20 fasteignasölum sem voru skoðaðar birta einhverjar upplýsingar um kostnað vegna sölu.
15 af 20 fasteignasölum sem voru skoðaðar birta ekki upplýsingar um kostnað vegna sölu.
Sjá nánar á www.V3.is

Hvaða skref þarf að taka til að byrja?

2007-06-15T00:20:00.000Z

Eftirfarandi geta skráðir notendur gert í Viðhaldsbók eigandans

1. Skrá eign á eignalistann. Viðhaldsbókin er búin til. Þetta þarf aðeins að gera einu sinni fyrir eign sem notandinn á.
2. Skrá fagmann sem hefur unnið fyrir notanda, í ,,Simaskrána þína". Þetta er hægt að gera hvenær sem er. Það þarf þó að gerast áður en viðhaldsverk er skráð á viðkomandi fagmann.
3. Hvenær sem þú vilt, geturðu fyllt út upplýsingar um viðhaldsverk sem þú stendur fyrir eða hefur staði fyrir á eigninni þinni, eftir því sem við á. Þú getur hafið skráninguna þegar verk er í undirbúningi og bætt við færsluna eftir því sem verkinu miðar áfram. Upplýsingar sem þú skráir um verkið fylgja íbúðinni um ókomna tíð.
4. Hvenær sem þú vilt, geturðu fyllt út formið ,,Byggingarsaga". Það er hugsað fyrir þig til að halda saman upplýsingum um byggingarsögu eignarinnar. Getur birst á fasteignavef ef eign er sett í sölu.
5. Hvenær sem þú vilt, geturðu fyllt út formið ,,Umhverfi", sérstaklega hugsað fyrir þá sem eru að hugsa um að setja eignina sína í sölu þar sem þessar upplýsingar geta birst á fasteignavef ef eign er sett í sölu.
6. Hvenær sem er geturðu fyllt út formið ,,Ástandslýsing". Eitt form er fyllt út fyrir t.d. eldhúsið, annað fyrir baðherbergið o.s.frv. Þannig getur eigandi eignar metið ástand hvers rýmis og gert sínar viðhaldsáætlanir út frá því. Ástandslýsingu er líka gott að fylla út ef setja á eignina í sölu, hægt að birta á fasteignavef ef eign er sett í sölu.
7. Fylla út heimild til að birta valdar upplýsingar úr viðhaldsbókinni þinni vegna fyrirhugaðrar sölu eignarinnar þinnar. Þú stjórnar því hvaða upplýsingar eru birtar með því að merkja við viðeigandi færslur. Þeir sem hafa áhuga á eigninni þinni geta skoðað upplýsingarnar sem þú hefur samviskusamlega skráð um hana.
ATH: Tenging við fasteignavef er í undirbúningi og ekki frágengin þegar þetta er skrifað.

Ný virkni á V3.is - Vinna verk

2007-06-11T22:11:00.000Z

,,Vinna verk" er ný virkni á www.V3.is. Á síðunni getur þú leitað að fagmanni sem aðrir fasteignaeigendur hafa skráð í viðhaldsbókina sína og eru ánægðir með. Nafn og símanúmer fagmanns sem fær ánægjueinkunn 4 eða 5 á skalanum 0 - 5 frá eiganda, birtist. Þú hefur samband við fagmanninn. Þægilegt!

Fagmaður sem vill að nafn hans birtist á síðunni, skráir sig inn á www.V3.is og skráir upplýsingar um sig og þjónustuna sem hann býður upp á. Fagmaður getur einnig skráð upplýsingar um verk sem hann framkvæmir í verkbók sína.

Þú getur leitað að fagmanni sem hefur skráð upplýsingar um sig og þjónustu sem hann býður upp á hjá www.V3.is og sett þig í samband við fagmanninn. Einfalt og praktískt!

Enn ein nýjungin er að fagmenn geta leitað að húseigendum! Húseigendur skrá sig inn á V3.is og búa til viðhaldsbók með því að skrá eign sína á eignalistann, sér að kostnaðarlausu. Þegar inn er komið, býr notandi til útboðslýsingu sem birtist á www.V3.is undir ,,Vinna verk" og ,, Fagmenn leita".

,,Vinna verk" tengir þannig saman húseigendur og fagmenn og öfugt. Dreifið gjarnan upplýsingunum um vefinn sem tengir saman húseigendur og fagmenn. Því fleiri sem nýta sér vefinn, þeim mun betur nýtist hann öllum!

Viðhaldsbók hússins míns er fyrir fasteignaeigendur, húsfélög og fagmenn. Notkun er án endurgjalds.

www.V3.is

Leiðbeiningar: Skrá eign á eignalista

2007-06-06T13:27:00.000Z

Borið hefur á vandamálum við skráningu eignar á eignalista. Ef aðeins ein eign er í húsinu verður notandi þrátt fyrir það að velja hana þ.a. færslan "litist blá"!

Leiðbeiningar:
1. Slá inn götuheiti og númer og velja sveitarfélag. Ef ekkert er valið er "Reykjavík" sjálfvalið.
2. Smella á hnappinn"Sækja"
Þá líður smá stund og texti birtist á listanum "Fasteignir"
3. Velja fasteign og í kassanum "Eignir" birtast ein eða fleiri íbúðir/eignir. Velja sína eign. Ef aðeins ein eign birtist þarf samt að velja hana.
4. Fylla út kennitölu húsfélags ef við á og hvort notandi sé í stjórn húsfélags. Má sleppa þessu og fylla þetta út síðar.
5. Smella á hnappinn "Skrá mína eign".
Ef allt gengur upp koma boðin " Eign þín hefur verið skráð".
Hafa samband í tölvupósti á vbok@vbok.is ef þetta gengur ekki upp.

V3 opnar rafræna viðhaldsbók á netinu

2007-06-05T10:38:00.000Z

Síðastliðið haust fór ég á Brautargengisnámskeið á vegum IMPRU. Brautargengisnámskeiðin eru fyrir konur sem hafa áhuga á að stofna sitt eigið fyrirtæki. Viðskiptahugmyndin mín var að opna vef sem innihéldi rafræna viðhaldsbók sem fólk gæti notað til að halda utan um framvkæmdir á eignunum sínum. Sumarið 2006 fór ég með syni mínum að skoða nokkrar íbúðir sem voru til sölu. Marg oft kom það fyrir að eigandi íbúðar hafði litlar sem engar hugmyndir um það sem gert hafði verið við eign hans! Hann vissi jafnvel ekki hvort skólplagnir væru endurnýjaðar eða ekki í 60 ára gömlu húsi. Ég sá að brýnt væri að búa til vef þar sem fólk gæti skráð sig inn og skráð upplýsingar um framkvæmdir sem það stæði fyrir á eign sinni. Og þessar upplýsingar myndu fylgja íbúðinni eftir það.

Og nú er hugmyndin orðin að veruleika. Ég stofnaði fyrirtæki, Viðhaldsbók ehf í febrúar. Og er nú búin að opna viðhaldsbókina á slóðinni www.V3.is

Þú sem lest þetta, ert velkominn að skoða síðuna V3.is og skrá þig inn. Notkunin er þér að kostnaðarlausu. Verkefnið hefur verið styrkt af "Átaki til atvinnusköpunar" og "Styrkir til atvinnumála kvenna".
Þóra Jónsdóttir